ბავშვის მშობელი ბაღის აღმზრდელებს ძალადობასა და გულგრილობაში ადანაშაულებს – ედიტა დანელიანმა “პირველებს” მიაწოდა სათვალთვალო კამერების ჩანაწერები საბავშვო ბაღიდან, სადაც ჩანს, რომ პედაგოგები სამი წლის ბავშვს სხვების თანდასწრებით აშიშვლებენ და საძინებელი ოთახის ნაცვლად დაძინებას საერთო ოთახში, იატაკზე აიძულებენ.
კადრებში რასათანადო მოპყრობის რამდენიმე ეპიზოდი ჩანს. მასალის დაშიფვრით ასევე დგინდება, რომ პედაგოგები ბავშვებს ერთი თეფშიდანაც კვებავენ.
საუბარია მუხიანში მდებარე კერძო ბაღ “ბელმარზე” – მშობელი ამბობს, რომ 3 წლის ბავშვი იმყოფება მძიმე ფსიქოლოგიურ სტრესში და საჭიროებს რეაბილიტაციას.
საბავშვო ბაღში “პირველებს” ეუბნებიან, რომ პედაგოგები უკვე გაათავისუფლეს, რაც შეეხება მომხდარს, ადმინისტრაცია აცხადებს, რომ სამართალდამცველებთან თანამშრომლობენ.