ორსულობისა და მშობიარობის გამო ანაზღაურებადი შვებულების, ბავშვის მოვლის გამო ანაზღაურებადი შვებულების პერიოდზე სახელმწიფო ბიუჯეტიდან გადასაცემი ფულადი დახმარება ყადაღას არ დაექვემდებარება.
შესაბამისი ცვლილებები „სააღსრულებლო წარმოებათა შესახებ“ კანონში შედის.
კანონპროექტში აღნიშნულია, რომ ორსულობისა და მშობიარობის გამო ანაზღაურებადი შვებულების, ბავშვის მოვლის გამო ანაზღაურებადი შვებულების პერიოდზე გასაცემი ფულადი დახმარების ოდენობა განსაზღვრულია ჯამურად არაუმეტეს 2 000 ლარის ოდენობით.
„ამდენად, მოვალე ორსულის/მშობლის მიმართ სააღსრულებო წარმოების მიმდინარეობისას, ხელშეუხებელი იქნება სახელმწიფოს მხრიდან ჩარიცხული დეკრეტული შვებულების თანხა“, – აღნიშნულია კანონპროექტში.