ცხოველთა უფლებადამცველებმა დღეს ცხოველთა მონიტორინგის სააგენტოსთან საპროტესტო აქცია გამართეს. აქციის მონაწილეები აცხადებენ, რომ ქვეყანაში მოქმედი კანონმდებლობა მიუსაფარ ცხოველებს სათანადოდ ვერ იცავს და მათ უსაფრთხოებას საფრთხის ქვეშ აყენებს.
მათი მთავარი მოთხოვნა უცვლელია – დაისაჯონ ის პირები, რომლებიც ქუჩებიდან ძაღლებს იტაცებენ და შემდეგ შინაური ცხოველების იძულებითი ევთანაზიის პრაქტიკაში მონაწილეობენ. ცხოველთა უფლებადამცველები სახელმწიფოსგან უფრო მკაცრ რეგულაციებსა და ეფექტიან რეაგირებას მოითხოვენ.
“აიკრძალოს დაბირკული, უკვე გასტერილებული ცხოველების გადაყვანა გაურკვეველი მიმართულებით, მათი დაძინება, იმიტომ, რომ დღეს მონიტორინგში უამრავი ძაღლი უკვე დააძინეს და გრძელდება მიკედლებული ძაღლების მოპარვა და ეს ადამიანები, ახლა სადაც ჩვენ ვდგავართ, ჩვენს უკან არის შენობა, სადაც სხედან ცხოველთა მონიტორინგის დირექტორი, ნიკა არაგველი, თორნიკე ჭიტრიკაშვილი თუ ზუსტად აღარ მახსოვს, ლალი ბერძენიშვილი – ეს ადამიანები კი არ უნდა გადადგდნენ თანამდებობიდან, ეს ადამიანები უნდა მიეცნენ პასუხისგებაში. მიჰყავთ ჩუმად, ღამით, მიპარვით, აძინებენ ან ისეთ დასაუხლებელ ადგილას სვამენ, სადაც ისინი თავს ვერ გაიტანენ. ჩვენი აქცია გაგრძელდება იქამდე, სანამ არ ივაღწევთ შედეგს” – ამბობს აქციის მონაწილე.