ყოფილი ცოლის დაჭრის ფაქტზე 31 წლის გიორგი ბერიძეს აღკვეთის ღონისძიების სახით პატიმრობა შეეფარდა
“მოცემულ საქმეზე მოიპოვება როგორც მოწმეთა გამოკითხვის ოქმები, ასევე ნივთიერი მტკიცებულებები და საგამოძიებო მოქმედებების ოქმები, რითაც დასტურდება, რომ ბრალდებულმა ჩაიდინა დამამძიმებელ გარემოებაში ყოფილი მეუღლის მიმართ განზრახ მკვლელობის მცდელობა. დღეის მდგომარეობით დაზარალებული იმყოფება სამედიცინო დაწესებულებაში. დაზარალებულს სხეულის სხვადასხვა არეში აქვს მიყენებული დაზიანებები, როგორც კისრის არეში, ასევე ორივე კიდურში – ეს არის ჭრილობების სახით და ასევე დაჟეჟილობების სხეულზე.
საქმის მასალებიდან იკვეთება, რომ დაზარალებულმა შეძლო გაქცევა, თავს უშველა და ჩავიდა კორპუსის ეზოში, რა დროსაც უხმო ხალხს დასახმარებლად და შემდგომ უკვე გამოძახებულ იქნა 112 და ასე შეძლო მან თავის დაღწევა [TV პირველი]” – ამბობს პროკურორი.
მომხდარზე გამოძიება სისხლის სამართლის კოდექსის 11 პრიმა 19-109-ე მუხლის “კ” ქვეპუნქტით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს.