საქართველოს მთავრობა ლოკომოტივების შესყიდვისთვის და კახეთში საგზაო ინფრასტრუქტურის განვითარებისთვის 751 მილიონი დოლარის სესხს იღებს – ინფორმაციას ამის შესახებ BMG ავრცელებს. მათივე ცნობით, აღნიშნული სესხების მიღება დაგეგმილია მსოფლიო ბანკის ჯგუფიდან (WB), აზიის განვითარების ბანკისგან (ADB) და აზიის ინფრასტრუქტურის საინვესტიციო ბანკისკან (AIIB).
დღეს მსოფლიო ბანკის დირექტორთა საბჭომ დაამტკიცა ამ სასესხო შეთანხმების ყველაზე მსხვილი 372 მილიონი დოლარის საკრედიტო დაფინანსება, ხოლო ADB-თან მიმდინარეობს მუშაობა 175 მილიონი დოლარის; AIIB-ისგან კი 182 მილიონი დოლარის მიღების თაობაზე. ჯერჯერობით უცნობია როგორ ნაწილდება 372 მილიონი დოლარი და თანხის რა ნაწილი დაიხარჯება საავტომობილო გზასა და საქართველოს რკინიგზაზე.