“პირველებისთვის” სოფელ ხახალა-ჯვარში მომხდარი საზარელი ტრაგედიის ახალი, შოკისმომგვრელი დეტალები ხდება ცნობილი. ირკვევა, რომ დედა გაქცეულ შვილს გაეკიდა და ზურგში სასიკვდილო ჭრილობა მიაყენა. ქალი მას შემდეგ გაღიზიანდა, რაც მოზარდმა დაინახა რომ დედამ ათეულობით მედიკამენტი დალია, მომხდარი კი ბებიას უამბო. შვიდი წლის ბიჭი გაბრაზებული დედისგან გაქცევას შეეცადა, მაგრამ ვერ შეძლო. მოზარდი კლინიკაში მიყვანის შემდეგ გარდაიცვალა.
მკვლელობის საქმეში ორი იარაღი დევს- დანა და მაკრატელი. ორივე მკვლელობის დროს ქალს ხელში ეჭირა. ქალმა შვილს სასიკვდილო დაზიანებები დედის, დედამთილისა და ორი მცირეწლოვანი შვილის თანდასწრებით ჩაიდინა შემდეგ კი თვითდაზიანებები მიიყენა.
უმძიმესი ტრაგედიის ახალი დეტალები ცოტა ხნის წინ სასამართლოში გახდა ცნობილი. განსასჯელის სკამზე შვილის მკვლელობის გამო დაკავებული დედა იჯდა, რომელსაც დუმილი არ დაურღვევია.
სახელმწიფო ბრალდებამ და დაცვის მხარემ სასამართლოს დღეს რამდენიმე შუამდგომლობით მიმართეს. ერთ-ერთი მოთხოვნა იყო, რომ ბალდებულს მსჯავრი პენიტენციურის ნაცვლად ფსიქიატრიულ კლინიკაში მოეხადა, რადგან დაკავებისთანავე მას სამედიცინო ექსპერტიზა ჩაუტარდა, რამაც აღნიშნული ცხადყო.
დაცვის მხარეს ასევე ჰქონდა შუამდგომლობა, რომ მისი დაცვის ქვეშ მყოფი გირაოს სანაცვლოდ გაეთავისუფლებინათ, თუმცა მოსამართლემ აღნიშნული არ გაითვალისწინა.
ქალს პატიმრობა შეეფარდა, მაგრამ ციხის ნაცვლად ის ფსიქიატრიულ კლინიკაში გაუშვეს.