“მე მახსოვს ყველანაირი უფლებისთვის ბრძოლა…მაგრამ ლანძღვის და სიძულვილის ენისთვის ბრძოლა ისტორიას არ ახსოვს” – მამუკა მდინარაძე

მამუკა მდინარაძე აცხადებს, რომ ახსოვს ყველანაირი უფლებისთვის ბრძოლა, თუმცა ლანძღვისა და სიძულვილის ენისთვის ბრძოლა ისტორიას არ ახსოვს.

“მე მახსოვს ყველანაირი უფლებისთვის ბრძოლა, მახსოვს შრომითი უფლებებისთვის ბრძოლა, სოციალური უფლებებისთვის, მონობისგან თავისუფლებისთვის ბრძოლა, ლგბტ უფლებებისთვის ბრძოლაც, განსაკუთრებით ახლო წარსულში, ყველანაირი უფლებისთვის ბრძოლა გვახსოვს…. შეგვიძლია, ჩამოვთვალოთ რამდენიმე ათეული უფლებისთვის ბრძოლა, მაგრამ ლანძღვის და სიძულვილის ენისთვის ბრძოლა ისტორიას არ ახსოვს” – ამბობს მდინარაძე იმ ადამიანების პასუხად, რომლებიც შსს-ს ახალი სამმართველოს ამოქმედებას აკრიტიკებენ და აზრისა და სიტყვის თავისუფლების შეზღუდვად აფასებენ.

სიძულვილის ენის წინააღმდეგ ბრძოლის სამმართველომ მუშაობა დღეიდან დაიწყო. სამმართველო დაკომპლექტებულია 10 თანამშრომლით, მისი ხელმძღვანელი კი თამთა ქიმბარიშვილია.