მსჯავრდებულ ნოდარ ტატუნაშვილის ოჯახი პენიტენციური სამსახურის სამედიცინო ხელმძღვანელს ხვდება. შეხვედრა დახურულ რეჟიმში, სამ საათზე მეტია მიმდინარეობს.
სწორედ მათი მოთხოვნის საფუძველზე გახდა ცნობილი, რომ სამედიცინო დაწესებულების ხელმძღვანელი მზად იყო, ყველა კითხვისთვის ეპასუხა, რომელიც 29 წლის პატიმრის ოჯახის წევრებს ბოლო რამდენიმე თვეა აწუხებთ.
შეხვედრაზე იუსტიციის სამინისტრო მას შემდეგ დათანხმდა, რაც ისინი პენიტენციურ სამსახურთან შეკრიბნენ და შეხვედრა მოითხოვეს.
ოჯახის წევრები ამტკიცებენ, რომ პატიმარს “ვივა მედში“ საფუძვლიანი მკურნალობა არ ჩაუტარდა, რის შემდეგაც მისი მდგომარეობა დამძიმდა.
“კომატოზურ მდგომარეობაში აღმოჩნდა 27 მაისიდან, ამ დრომდე ოფიციალური ინფორმაცია მის ჯანმრთელობასთან დაკავშირებით, არ გაგვაჩნია, დიაგნოზიც არ ვიცით. ვითხოვდით ინფორმაციის მიწოდებას, მაგრამ გვეუბნებოდნენ, რომ დავლოდებოდით შაბათ-კვირას, რადგან კლინიკას, პენიტენციურის ნებართვის გარეშე, ამ ინფორმაციის გაცემის უფლება არ ჰქონდა. დღეს სამუშაოს დაწყებისთანავე მოვედით პენიტენციურ სამსახურში. ჩვენი მთავარი შეკითხვაა, რატომ არ მიეცა ამ ადამიანს სათანადო ყურადღება. ხაზგასმით არის ნახსენები, რომ ტატუნაშვილი იყო მაღალი რისკის მქონე პატიმარი და ამიტომ იხდიდა სასჯელს ბათუმის მკაცრი რეჟიმის ციხეში. სწორედ ამ რისკის გაპროტესტების მიზნით დაიწყო ამ ადამინამ შიმშილობა, რადგან თვლიდა, რომ არ ეკუთვნოდა მას ეს სასჯელი” – ამბობს ოჯახის წევრი.
ცოტა ხნის წინ განაცხადება გაავრცელა პენიტენციურმა სამსახურმა. უწყების მტკიცებით, მიუხედავად არაერთგზის შეთავაზებისა, ნოდარ ტატუნაშვილი საკვების მიღებასა და სრულფასოვანი მკურნალობის ჩატარებაზე უარს აცხადებდა, რაც შეუძლებელს ხდიდა მისთვის ჯანმრთელობის მდგომარეობიდან გამომდინარე ადეკვატური სამედიცინო მომსახურების მიწოდებას.
პენიტენციურ სამსახური ასევე აღნიშნავს, რომ ნოდარ ტატუნაშვილი ამჟამად მაღალკვალიფიციური სამედიცინო პერსონალის მუდმივი მეთვალყურეობის ქვეშ იმყოფება.