ტელეკომპანია “იმედი” ჩენდლერის ინსტიტუტის კვლევის მიხედვით, წერს, რომ კარგი მთავრობის ინდექსით საქართველო მაღალ-საშუალო შემოსავლიანი ქვეყნების საუკეთესო სამეულშია – საქართველომ შეფასების 100-პროცენტიანი სისტემით 60,3% მიიღო, რითაც ისტორიაში მეორედ გადააჭარბა 60%-იან ზღვარს.
“საქართველო უსწრებს ევროკავშირის და ნატოს წევრ 7 ქვეყანას და ევროკავშირის კანდიდატ ყველა სახელმწიფოს: რუმინეთს, ბულგარეთს, უნგრეთს, თურქეთს, ალბანეთს, მონტენეგროს, ჩრდილოეთ მაკედონიას, უკრაინას, მოლდოვას და ა.შ… კარგი მთავრობის ინდექსი მთავრობებს აფასებს 35 ინდიკატორით, რომელიც ერთიანდება 7 ფაქტორში: ლიდერობა და შორსმჭვრეტელობა, კეთილსაიმედო კანონები და პოლიტიკა, ძლიერი ინსტიტუტები, ფინანსური მეურვეობა, მიმზიდველი ბაზარი, გლობალური გავლენა და რეპუტაცია, ხალხის მდგომარეობის გაუმჯობესებაში დახმარება.” – წერს “იმედი”.
ჩენდლერის კვლევის მიხედვით, “იმედი” აქვეყნებს რეიტინგებს, რაშიც საქართველოს ხელისუფლებამ მაღალი რეიტინგი მოიპოვა:
“კეთილსინდისიერი ლიდერობა – 41-ე ადგილი
სასამართლო სისტემის ხარისხი – 33-ე ადგილი
ბიუროკრატიის ხარისხი – 25-ე ადგილი
სტაბილური ბიზნეს რეგულაციები – მე-20 ადგილი
გამჭვირვალობა – მე-14 ადგილი
ინვესტიციების მოზიდვა – მე-12 ადგილი” – წერს “იმედი”.