თელავის მუნიციპალიტეტის სოფელ ჯუღაანში ავტოსაგზაო შემთხვევის შედეგად დაღუპული მამაკაცი, 33 წლის სოსო ჩახუტაშვილია.
ახალგაზრდა კაცი სოფელ ართანის მკვიდრია. ის ოჯახთან ერთად, სოფლის მეურნეობას მისდევდა და კერძო პირთანაც იყო დასაქმებული.
ავარიის დროს ავტომობილში მყოფი მეორე მამაკაცი, თელავის რეფერალურ ჰოსპიტალშია მოთავსებული.
ჰოსპიტლის დირექტორის, ხათუნა ჭონიაშვილის ინფორმაციით, პაციენტს თავის დახურული ტრავმა აღენიშნება და შესაბამისი გამოკვლევები უტარდება.
შეგახსენებთ, მსუბუქი ავტომობილი, რომლითაც ორი პირი გადაადგილდებოდა, კედელს შეეჯახა და ამობრუნდა.
გამოძიება მომხდარ ფაქტზე სისხლის სამართლის კოდექსის 276-ე მუხლის მეექვსე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.