2026 წლის იანვრიდან აპრილის ჩათვლით, საქართველოდან რუსეთში 382.6 ტონა კოსმეტიკური საშუალების ექსპორტი განხორციელდა, რაც ბოლო 17 წლის ჯამურ მაჩვენებელს აღემატება – მონაცემები რუსულმა პროპაგანდისტულმა მედიამ საქართველოს სტატისტიკის ეროვნულ სამსახურზე დაყრდნობით გააანალიზა.
საქსტატის მონაცემებით, ქვეყანამ რუსეთში მაკიაჟისა და კანის მოვლის საშუალებების მნიშვნელოვანი მოცულობის გაყიდვა გასული წლის მაისში დაიწყო, როდესაც 21.1 ტონა გავიდა ექსპორტზე. 2025 წლის სექტემბერში დაფიქსირდა რეკორდული მიწოდება — 75 ტონა, დეკემბერში — 70.3 ტონა, ხოლო 2026 წლის იანვარში – 162.3 ტონა.
ამრიგად, 2025 წელს რუსეთში კოსმეტიკის ექსპორტმა შეადგინა 203.1 ტონა (427.9 ათასი დოლარის ღირებულების), ხოლო 2026 წლის ოთხ თვეში — უკვე 382.6 ტონა (680.9 ათასი დოლარის ღირებულების).