“ალეკო ელისაშვილზე თავდამსხმელი [პოლიციელი] გამოკითხულიც კი არ არის” – ქეთევან თურაზაშვილი

“დაუსჯელობის შედეგია, რომ გასულები არიან ე.წ. სამართალდამცავები” – ამის შესახებ “ლელო – ძლიერი საქართველოს” წევრმა, ქეთევან თურაზაშვილმა განაცხადა.

​მისი თქმით, ყველამ ნახა როგორ გაუსწორდნენ ალეკო ელისაშვილს პოლიციელები, ასევე პროტესტის მონაწილეებს როგორ უსწორდებოდნენ შსს-ს წარმომადგენლები და ხელისუფლებამ სამართლის აღსადგენად 3-5 პირი დააკავა.

“გვახსოვს ალეკო ელისაშვილზე თავდასხმა კანცელარიასთან, სადაც ზაქრო ჩოხელი დანარჩენ ე.წ. სამართალდამცველებთან ერთად გამეტებით უსწორდებოდა ალეკო ელისაშვილს და დღემდე ეს პირი გამოკითხულიც არ არის.

ასევე ვნახეთ ასობით პოლიციელი, რომელიც პროტესტის მონაწილეებს სასტიკად უსწორდებოდა და საჩვენებლად, თითქოს, 3-5 ადამიანი დაიჭირეს და გვეუბნებიან, თითქოს სამართალი აღადგინეს. სწორედ ამის, დაუსჯელობის შედეგია, რომ გასულები არიან ე.წ. სამართალდამცავები,” – განაცხადა ქეთევან თურაზაშვილმა.