„როსპოტრებნადზორმა“ სომხური მინერალური წყლის, „ჯერმუკის“ იმპორტი შეაჩერა. ინფორმაციას სომხური მედია ავრცელებს.
გადაწყვეტილების შესახებ უწყებამ ევრაზიის ეკონომიკურ კომისიას, ასევე ევრაზიის ეკონომიკური კავშირის წევრი სახელმწიფოების უფლებამოსილ ორგანოებს აცნობა.
რუსული მხარე აცხადებს, რომ პროდუქტის შემადგენლობა არ შეესაბამება ეტიკეტზე მითითებულ ინფორმაციას და სამკურნალო თვისებების შესახებ შეცდომაში შემყვანმა ინფორმაციამ შეიძლება არაეფექტური მკურნალობა და ჯანმრთელობის გაუარესება გამოიწვიოს.