თბილისის მერია ოპოზიციას 26 მაისს, საპროტესტო აქციაზე კონსტრუქციების, მათ შორის სცენის მოწყობის უფლებას არ აძლევს – „ოპოზიციური ალიანსის“ ერთ-ერთი ლიდერის, ნიკა გვარამიას ინფორმაციით, აღნიშნული პასუხი მათ მერიიდან დღეს მიიღეს.
„წუხელ მეილით მამცნეს პასუხი ჩემს განცხადებაზე 26 მაისის აქციის თაობაზე. დაწვრილებით, თუ გაინტერესებთ შეშინებული ქოცების ეს უკანონო აბსურდი, ქვემოთ ნახეთ. მოკლე შინაარსი ასეთია:
არანაირი მოწყობილობები პარლამენტთან, არანაირი მოწყობილობები ქუჩის სავალ ნაწილზე, არანაირი მოწყობილობები ტრანსპორტის სავალ ნაწილზე სხვა ლოკაციებზე.
ანუ, არაფერი და არსად არ შეიძლებაო.
მიზეზი: სატრანსპორტო ნაკადების გადაადგილების შეფერხების თავიდან აცილება“- წერს გვარამია „ფეისბუქზე“ და აქვეყნებს თბილისის მერიის წერილობით პასუხს.
რა წერია მერიისგან გამოგზავნილ პასუხში:
თქვენს 2026 წლის 22 მაისის №CA00412609078946 განცხადებასთან დაკავშირებით, რომელიც ეხება 26 მაისს საპროტესტო აქციის გამართვას და მსვლელობას (ი.ჭავჭავაძის გამზირიდან 3. მელიქიშვილის შენობასთან დასრულებას, ასევე კონსტრუქციების, მათ შორის, სცენის მოწყობას), გაცნობებთ შემდეგს: 2026 წლის 26 მაისს საქართველოს დამოუკიდებლობის დღესთან დაკავშირებით დაგეგმილი ოფ ალური ღონისძიებების გათვალისწინებით, ქალაქ თბილისში შეცვლილია სატრანსპორტო მოძრაობის სქემები, როგორც საზოგადოებრივი ასევე არასაზოგადოებრივი ტრანსპორტისათვის, რაც თავის მხრივ გულისხმობს სხვა ქუჩების დატვირთავს ტრანსპორტის მოძრაობის კუთხით.
აღნიშნულიდან გამომდინარე, საქართველოს პარლამენტის მიმდებარედ რაიმე სახის კონსტრუქციების (მათ შორის სცენის) მოწყობა დაუშვებლად მიგვაჩნია. რაც შეეხება წერილში მითითებულ სხვა ლოკაციებს, სატრანსპორტო ნაკადების გადაადგილების დამატებით ამენტის ადმინისტრაციული შენობის შეფერხების თავიდან აცილების თვალსაზრისით, რაიმე სახის კონსტრუქციის (მათ შორის სცენის) მოწყობა ასევე დაუშვებლად მიგვაჩნია ტრანსპორტის სავალ ნაწილზე.
თქვენის მხრიდან სხვა ტერიტორიაზე მომართვის შემთხვევაში, საკითხს განვიხილავთ დამატებით.
პატივისცემით,
გიორგი ტყემალაძე