ეკონომიკური პოლიტიკის კომიტეტმა „მაუწყებლობის შესახებ“ კანონპროექტს პირველი მოსმენით მხარი დაუჭირა. კანონპროექტი კომიტეტის სხდომაზე დეპუტატმა არჩილ გორდულაძემ წარადგინა. ინფორმაციას “ტვ პირველი” ავრცელებს.
რას ითვალისწინებს კანონპროექტი:
კანონპროექტი სპეციალიზებული მაუწყებლებისთვის უცხოური დაფინანსების აკრძალვის მოხსნას ითვალისწინებს;
ასევე, ამავე პროექტით კომუნიკაციების კომისიას მიენიჭება უფლებამოსილება, შეისწავლოს მედიამომსახურებისა და ვიდეოგაზიარების პლატფორმის მომსახურების მიმწოდებლის და პირდაპირი ან არაპირდაპირი დამფინანსებლის საბანკო ინფორმაცია;
ასევე დგინდება მაუწყებლის მიერ აკრძალული დაფინანსების მიღების შემთხვევაში მიღებული თანხის სახელმწიფო ბიუჯეტში ჩარიცხვის მექანიზმი.
პროექტი შოთა ბერეკაშვილის, არჩილ გორდულაძის, ანტონ ობოლაშვილისა და გიორგი ბარვენაშვილის ავტორობით მომზადდა.