რუსეთი ოკუპირებულ აფხაზეთში “ელჩად“ ბელგოროდის ყოფილ გუბერნატორს ნიშნავს, – ამის შესახებ რუსული გამოცემა РБК რუსეთის ხელისუფლებაში დაუსახელებელ წყაროებზე დაყრდობით წერს.
ვიაჩესლავ გლადკოვმა რუსეთის ბელგოროდის ოლქის გუბერნატორის პოსტი ახლახანს, 2026 წლის 13 მაისს დატოვა.
გამოცემა წერს, რომ ინფორმაცია პრეზიდენტ ვლადიმერ პუტინის ადმინისტრაციასთან დაახლოებულმა წყარომ და კიდევ ორმა თანამდებობის პირმა დაუდასტურა.
გამოცემის თანახმად, ერთ-ერთმა წყარომ დასძინა, რომ გლადკოვს სურდა, სწორედ ამ პოზიციაზე დაენიშნათ. გამოცემა წყაროებს არ ასახელებს.
თავად გლადკოვს ჯერ კომენტარი არ გაუკეთებია.