დღეს რუსეთის მიერ ოკუპირებულ ხურვალეთში დაკრძალავენ საოკუპაციო ხაზთან მცხოვრებ ვალია ვანიშვილს.
ვიდეოში: ვალია ვანიშვილის ნათესავი ჟუჟუნა ცერცვაძე, საოკუპაციო ძალების წარმომადგენელის და ვალია ვანიშვილის შვილიშვილის დახმარებით, მავთულხლართებზე გადებული ფიცრულის საშუალებით, გადადის ოკუპირებულ მიწაზე.
ვალია ვანიშვილის გარდაცვალების შესახებ ინფორმაცია „პუბლიკას“ 19 მაისს გორის მერის წარმომადგენელმა, როინ ადიკაშვილმა დაუდასტურა. მისი თქმით, ვალია ვანიშვილი გარდაიცვალა 18 მაისს, საკუთარ სახლში.
ვალია ვანიშვილის ქმარი, დათა ვანიშვილი, 2021 წელს 88 წლის ასაკში გარდაიცვალა.
ისინი მავთულხლართებს მიღმა მრავალი წლის განმავლობაში მარტოები ცხოვრობდნენ.
მათ 2008 წლის ომის შემდეგ თავიანთი სახლი არ მიატოვეს.
ვიდეო: ზურა ვარდიაშვილი/„პუბლიკა“