პანკისის ხეობაში დაკავებული სამი ბრალდებული პატიმრობაში გაუშვეს. ერთ მათგანს ისლამური სახელმწიფოს წევრობა, ორს კი იარაღის უკანონო შენახვა ედება ბრალად.
არც ერთი წარდგენილ ბრალდებას არ ეთანხმება, თუმცა ამ დრომდე დუმილის უფლებას იყენებენ.
გამოძიების ინფორმაციით, სპეცოპერაციის შედეგად დაკავებულების სახლებიდან ამოღებულია საბრძოლო მასალა და ფეთქებადი ნივთიერებები.
იქრიმ ბორჩაშვილი კი ამტკიცებს, რომ საბრძოლო მასალა და იარაღები სამსართალდამცავებმა ჩაუდეს.
უცხო ქვეყნის ტერორისტულ ორგანიზაციაში გაერთიანებისა და ტერორისტულ საქმიანობაში დახმარების მუხლით საქართველოს სამი მოქალაქე გუშინწინ ღამით დააკავეს. სპეცოპერაცია პანკისის სოფლებში – ომალოში, ბირკიანსა და ჯოყოლოში ჩატარდა.