მოსამართლემ მხოლოდ ერთადერთი უნდა მოიფიქროს, რომ გაამართლოს ლევან ხაბეიშვილი, რადგან არ არსებობს სისხლის სამართლის საქმე. პირველი პრეცედენტია, როდესაც ლევან ხაბეიშვილი დაკავებულია სიტყვისა და პოლიტიკური დაპირების გამო – აღნიშნულის შესახებ „ნაციონალური მოძრაობის“ ერთ-ერთი ლიდერის, ლევან ხაბეიშვილის ადვოკატმა, ლაშა ტყეშელაძემ სასამართლო სხდომის დაწყების წინ ჟურნალისტებს განუცხადა.
“ლევან ხაბეიშვილი, ნაწამები ადამიანი, რომელიც დღეს სასამართლომ შეიძლება უკანონოდ გაასამართლოს პოლიტიკური დაპირების გამო, სიტყვის გამო, რაც არ არის დასჯადი, დამოუკიდებელი საქართველოს ისტორიაში ერთადერთი ადამიანია, რომელიც დაკავებული არის სიტყვის გამო. მე მეტიც შემიძლია გითხრათ, რომ ამ პოლიტიკურ სასამართლოშიც კი ლევან ხაბეიშვილი დღეს უნდა იყოს გამართლებული, რადგან არ შეიძლება არცერთ საზოგადოებაში, რომ ადამიანი, პოლიტიკოსი დაიჭირონ სიტყვის გამო.
ის შეურაცხყოფილი მოწმეები კი, რომლებიც პროკურატურამ თითქოს და გამოიწერა, არ მოიყვანა პროკურატურამ სასამართლოზე, მხოლოდ ერთი მოიყვანა და ჯვარედინი დაკითხვის დროს სამართლებრივად იმდენად სისულელეები ილაპარაკა, რომ შემდეგი გამოწერილი მოწმეებიც კი აღარ მოიყვანა.
საზოგადოებას კიდევ ერთხელ გავახსენებ, რომ ლევან ხაბეიშვილის სასამართლო პროცესები ცხრა თვეა, რაც მიმდინარეობს, მაგრამ მხოლოდ სამი საათი განვიხილავდით ლევან ხაბეიშვილის საქმეს, იმდენად აბსურდული და შეკერილია და არ არსებობს სამართლებრივად.
მოსამართლემ მხოლოდ ერთადერთი უნდა მოიფიქროს, რომ გაამართლოს ლევან ხაბეიშვილი, რადგან არ არსებობს სისხლის სამართლის საქმე. პირველი პრეცედენტია, როდესაც ლევან ხაბეიშვილი დაკავებულია სიტყვისა და პოლიტიკური დაპირების გამო და პოლიტიკოსი არ უნდა დაისაჯოს იმის გამო, რომ ამბობდა, არ აწამოთ ადამიანებიო” – განაცხადა ტყეშელაძემ.