როგორც წესი, ასეთი რეჟიმებისთვის, ბოლო ლურსმანი კუბოზე, არის ხოლმე, შეტევა გამოხატვის თავისუფლებაზე, – ამის შესახებ კოალიცია “ცვლილებისთვის“ ლიდერმა, ზურა გირჩი ჯაფარიძემ ინგა გრიგოლიას “რეაქციაში“ განაცხადა.
მისი თქმით, თუ ვინმეს ჰგონია, რომ ასეთი ტიპის რეჟიმით, დიდხანს კიდევ შეიძლება დარჩეს, მაშინ არ უცხოვრია ამ ქვეყანაში.
ეს არის წარმოუდგენელი არანორმალურობა ქვეყანაზე, ყველაფერი თავდაყირაა დაყენებული, – თქვა მან.
როგორც წესი, ასეთი რეჟიმებისთვის, ბოლო ლურსმანი კუბოზე, არის ხოლმე, შეტევა გამოხატვის თავისუფლებაზე. ესენიც, ხომ რაღაც სტანდარტულ, ტრადიციულ გზას გადიან, ახალს ხომ არაფერს იგონებენ. სინამდვილეში ეს გზა გავლილი აქვს ძალიან ბევრ დიქტატორს, მათ შორის ბელორუსმაც და რუსეთმაც გაიარა, იგივეს გაივლიან ესენიც. ეს ყველაფერი ჭიმება, იჭიმება ზამბარასავით და ბოლო არის ეგ, ადამიანს ლაპარაკის საშუალებასაც აღარ აძლევენ, მერე იფეთქებს ხოლმე. სავარაუდოდ, ჩვენ მივალთ ჩვენც მაქამდე, მაგ გზაზე ვდგავართ. მაგას იმიტომ აკეთებენ, რომ ზომავენ ყოველდღიურ რეჟიმში და ხედავენ, რომ ეს ბრაზი და ცვლილებების სურვილი ადამიანებში არის. ისინი ასხამენ ასობით მილიონს პროპაგანდაში, ამგრამ შემდეგ ხედავენ, რომ ეს პროპაგანდა ადამიანებს ვეღარ ატყუებს, ამის მიზნებიც შეცვალეს, კაი ხანია, თუ მათი მზიანი იყო, რომ ადამიანები მოეტყუებინათ და თავიანთ მხარეს გაადეყვანათ, ახლა ეგეც აღარ აქვთ, ახლა ცდილობენ, ის, ვინც მოქცეული ჰყავთ თავიანთ ბაბლში და მობმული ჰყავთ საბიუჯეტო დაფინანსებით, ამ ხალხს მისცენ სალაპარაკო მესიჯები, -განაცხადა ჯაფარიძემ.