ირაკლი კობახიძე 2024 წლის ნოემბერ-დეკემბრის აქციებზე და ძალადობისთვის 5 სპეცრაზმელის დაკავებაზე კომენტარს აკეთებს:
“მშვიდობიანი დემონსტრანტების წინააღმდეგ ძალა არავის გამოუყენებია. აქ იყო ძალადობრივი მიტინგები, იყო ხელისუფლების გადატრიალების მცდელობები და სწორედ ამას დაუპირისპირა ლეგიტიმური ძალა მაშინ ხელისუფლებამ…მთლიანობაში სახელმწიფო მოქმედებდა პროპორციულობის პრინციპის დაცვით, მაგრამ იყო კონკრეტული ექსცესები. მე გეთანხმებით, რომ ამ ექსცესების გამოძიებას დასჭირდა დრო. ამას ჰქონდა სხვადასხვა მიზეზი, მათ შორის, თქვენ იცით, რომ მთელი რიგი ცვლილებები განხორციელდა სამართალდამცავ სისტემაში, იყო სხვა სირთულეები, თუმცა საბოლოო ჯამში, მთავარია ის, რომ შედეგი დადგა და კონკრეტულ ექსცესებს დაუპირისპირდა კონკრეტული სასჯელი” – ამბობს კობახიძე.