“სამწუხაროდ – ცალმხრივად, თქვენი ინიციატივით, შეწყდა პოლიტიკური დიალოგი ჩვენს ქვეყანასთან” – ირაკლი კობახიძე EU-ს სტრუქტურებთან თანამშრომლობის შეწყვეტას კვლავ ბრიუსელს აბრალებს

ირაკლი კობახიძე EU-ს სტრუქტურებთან თანამშრომლობის შეწყვეტას კვლავ ბრიუსელს აბრალებს:

“სამწუხაროდ, ევროპული ბიუროკრატიის მიერ საქართველოს მიმართ მიღებული გადაწყვეტილების შედეგად, ცალმხრივად, თქვენი ინიციატივით, შეწყდა პოლიტიკური დიალოგი ჩვენს ქვეყანასთან, რის შემდეგაც არაერთხელ იქნა უარყოფილი ჩვენს მიერ შეთავაზებული დისკუსიისა და თანამშრომლობის ფორმატები. ამგვარი ვითარების გათვალისწინებით, იძულებულნი ვართ, ღია წერილით, საჯაროდ მოგმართოთ. არაერთხელ აღგვინიშნავს, რომ საქართველოს სწრაფვა ევროკავშირში გაწევრიანებისკენ ფორმალური ინტეგრაციის სურვილით არ არის განპირობებული” – თქვა ირაკლი კობახიძემ.

2024 წლის 28 ნოემბერს ირაკლი კობახიძემ თავად განაცხადა, რომ მიიღეს გადაწყვეტილება “2028 წლის ბოლომდე დღის წესრიგში არ დავაყენოთ ევროკავშირთან მოლაპარაკებების გახსნის საკითხი.”