2026 წლის 16 მაისს კუროს ნიშანში ახალმთვარეობა საუკეთესო მომენტია იმისთვის, რომ ფუჭ ოცნებებს თავი დავანებოთ და დავიწყოთ ისეთი ცხოვრების შენება, რომელშიც თავს ნამდვილად მშვიდად, კომფორტულად და მყარად ვიგრძნობთ.
ამ დღეს კუროს ნიშნისთვის დამახასიათებელი განსაკუთრებული – რეალისტური, პრაქტიკული ენერგია გვახსენებს თავს. ყურადღების ცენტრში არა აბსტრაქტული იდეები, არამედ სრულიად ხელშესახები, ყოფითი საკითხები: ფული, რესურსები, სხეულის ჯანმრთელობა და უსაფრთხოების განცდა მოექცევა. ამ მყარ სურათს მერკურისა და ურანის სიახლოვე ერთგვარ მოულოდნელობას სძენს და ასტროლოგების თქმით, მოვლენათა განვითარებაში სიურპრიზები შემოაქვს.
რას გვიმზადებს 16 მაისის ახალმთვარეობა?
ახალმთვარეობა ის დროა, როდესაც მზე და მთვარე ზოდიაქოს ერთსა და იმავე წერტილში ხვდებიან. ამ დროს მთვარე დედამიწასა და მზეს შორის მოექცევა ხოლმე და ჩვენი თვალისთვის უხილავი ხდება. სწორედ ამ “ბნელ” პაუზაში, ვიდრე მთვარე კვლავ სინათლით აივსება, სამყარო ჩვენი ჩანაფიქრების მიმართ განსაკუთრებით მიმღები ხდება. ეს მხოლოდ ლამაზი შედარება არ გახლავთ – ეს არის პრინციპი, რომელსაც მთვარის ციკლებზე მომუშავე პრაქტიკოსები ათასწლეულებია იყენებენ: ახალმთვარეობისას ჩაყრილი საფუძველი მთვარესთან ერთად მომდევნო კვირებისა და თვეების განმავლობაში ვითარდება.