ანალიტიკოსი გია აბაშიძე სოციალურ ქსელში პოსტს აქვეყნებს, სადაც აღნიშნავს, რომ საქართველოს ციხეებში არასათანადო მოპყრობის არც ერთი შემთხვევა არ დაფიქსირებულა.
“რადიკალური პარტიის კიდევ ერთი მითი დაიმსხვრა ციხეებში არსებულ “სავალალო” მდგომარეობაზე. წამების პრევენციის ევროპული კომიტეტის (CPT) შეფასებით, საქართველოს ციხეებში არასათანადო მოპყრობის არც ერთი შემთხვევა არ დაფიქსირებულა.
ანგარიშის მიხედვით, დელეგაციას არ მიუღია ინფორმაცია ციხის თანამშრომლების მხრიდან პატიმრების არასათანადო მოპყრობის არცერთ ფაქტზე. პირიქით, CPT-ის შეფასებით, პენიტენციური დაწესებულებების თანამშრომლებსა და პატიმრებს შორის დადებითი და მშვიდი ურთიერთობა არსებობს. ევროპული კომიტეტის დადებითი შეფასება მიიღო პენიტენციური სამსახურის ჯანდაცვის სისტემამაც.
წესით, “ნაცების” აქტორებს, მათ შორის შერჩევითად სახალხო დამცველს, ნინო ლომჯარიასა და ომის პარტიის მარიონეტ “ენჯეოებს” უნდა რცხვენოდეთ ამგვარი საერთაშორისო დასკვნების. თუმცა, რევანშიზმი და ანგარება მათში გაცილებით მძლავრია, ვიდრე სინდისის ქენჯნა და ობიექტურობა.” – წერს აბაშიძე