გურამ როგავასა და ზვიად მაისაშვილზე ძალადობის საქმეზე დაკავებული, განსაკუთრებულ დავალებათა დეპარტამენტის ყოფილი თანამშრომლის ადვოკატმა სხდომის დასრულების შემდეგ მედიას უთხრა, რომ ბრალდებულმა საგამოძიებო ორგანოს დეტალური ჩვენება მისცა და თქვა, რომ ვინმეს მხრიდან რამე დავალებას ადგილი არ ჰქონია.
გდდ-ის ყოფილი თანამშრომელი ამტკიცებს, რომ და “დანაშაული მხოლოდ მან ჩაიდინა”. ადვოკატ თორნიკე ტატუნაშვილი არ აკონკრეტებს, თუ რომელ ბრალდებულ პოლიციელს იცავს, ვინაიდან რადგან მისივე განცხადებით, გაუთქმელობაზე ხელი აქვს მოწერილი.
ცნობილია მხოლოდ ის, რომ დაცვის ქვეშ მყოფი მომიტინგე ზვიად მაისაშვილისა და ჟურნალისტ გურამ როგავას მიმართ განხორციელებული ფიზიკური ძალადობის ფაქტზე დაკავებულთაგან ერთ-ერთია.
დაცვის მხარე სასამართლოში ვშუამდგომლობდით, რომ ბრალდებულის მიმართ გამოყენებული ყოფილიყო გირაო იმ გარემოებების გამო, რომ მას მას არ უცდია და არც აპირებდა მიმალვას, მას მოწმეებზე რამე სახის ზემოქმედება არ მოუხდენია, ის პირველი გამოძახებისთანავე გამოცხადდა საგამოძიებო ორგანოში, აღიარებდა ჩადენილ დანაშაულს და თანამშრომლობდა გამოძიებასთან. გამოკითხვაზე დაკავების დღეს გამოიძახეს პირველად. ბრალდებულმა საგამოძიებო ორგანოს დეტალური ჩვენება მისცა, სადაც აღნიშნა, რომ ვინმეს მხრიდან რამე დავალებას ადგილი არ ჰქონია და ეს დანაშაული მხოლოდ მან ჩაიდინა და სხვა ვინმე არ გამოკვეთილა“, – განაცხადა ტატუნაშვილმა.
თბილისის საქალაქო სასამართლომ ჟურნალისტ გურამ როგავასა და მომიტინგე ზვიად მაისაშვილის მიმართ განხორციელებული ფიზიკური ძალადობის ფაქტზე დაკავებულ პირებს – გდდ-ს ყოფილ 3 თანამშრომელს, რომელთაგან ერთი დაცვის პოლიციის მოქმედი თანამშრომელია, აღკვეთის ღონისძიების სახით პატიმრობა შეუფარდა. გადაწყვეტილება მოსამართლე ვალერიან ბუგიანიშვილმა გამოაცხადა.
საქმეს გრიფი ადევს, ამიტომაც სხდომა თბილისის საქალაქო სასამართლოში დახურულ რეჟიმში ჩატარდა.