თავდასხმა ლევან ხაბეიშვილზე – ბრალდებული ძალოვნები (სუს-ის სპეციალური ოპერაციების დეპარტამენტის ერთ-ერთი განყოფილების მოქმედი უფროსი და გდდ-ს ყოფილი თანამშრომელი) დანაშაულს აღიარებენ. ამის შესახებ სასამართლო პროცესის დასრულებსი შემდეგ მედიას საქმის პროკურორმა, ლაშა გამყრელიძემ განუცხადა.
სახელმწიფო მბრალდებელის თქმით, საქმის ფარგლებში 550-მდე პირია გამოკითხული და გამოთხოვილია ასეულობით ვიდოეჩანაწერი.
კითხვაზე, თუ ვინ არიან მოწმეები და არიან თუ არა ისინი ძალოვანი სტრუქტურის მაღალი თანამდებობის პირები, ან არის თუ არა მათ შორის გდდ-ს ყოფილი შეფის, “ხარებას” ყოფილი მოადგილე მირზა კეზევაძე, პროკურორი პასუხობს, რომ “დეტალებთან დაკავშირებით ვერ ისაუბრებს”.
ბრალდებულები აღიარებენ მათ მიერ ჩადენილ დანაშაულს და ისინი დაეთანხმნენ მათ მიმართ პატიმრობას. ამ ეტაპზე ადვოკატები მათ არ ჰყავთ.
სხდომის დახურვის მიზეზი პროცესის მონაწილეთა პირადი უსაფრთხოება გახდა. როგორც მოგეხსენებათ საქმეზე არაერთი საგამოძიებო მოქმედებაა ჩატარებული, 550-მდე პირია გამოკითხული, გამოთხოვილია ასეულობით ვიდოეჩანაწერი, განხორციელებულია ხსენებული ვიდეოჩანაწერების დათვალიერება შესაძლო დანაშაულის ჩამდენ პირთა იდენტიფიცირების მიზნით, შესაბამისად, საქმე თავის მოცულობით განსაკუთრებულად მნიშვნელოვანია”,- განაცხადა გამყრელიძემ.
დღეს საქმის პროკურორს ჟურნალისტებმა ჰკითხეს – გამორიცხავს თუ არა ის, მათი ზემდგომი პირების პასუხისმგებლობის საკითხი დადგეს, რაზეც გამყრელიძემ განაცხადა, რომ “გამოძიების ფარგლებში თუკი, რომელიმე კონკრეტული პირის პასუხისმგებლობის საკითხი დადგინდება, საქართველოს პროკურატურა დაიწყებს მათ მიმართ სისხლისამართლებრივ დევნას”.
კითხვაზე, აპირებენ თუ არა ისინი ლევან ხაბეიშვილის გამოკითხვას, ვინაიდან მან სასამართლო პროცესზე განაცხადა, რომ მის მიმართ ძალადობაში ორზე მეტი პირი იღებდა მონაწილეობას, მათ შორის, ზვიად ხარაზიშვილი, იგივე „ხარება“, რომელიც ასევე ვიდეოგადაღებას აწარმოებდა, პროკურორი პასუხობს, რომ თუკი, ხაბეიშვილს სურვილი ექნება, მას გამოკითხავენ.
ჟურნალისტებმა პრროკურორს ასევე ჰკითხეს, როცა 2 წლის განმავლობაში ვერ ხდებოდა პირების იდენტიფიცირება, რა შეიცვალა ახლა:
როცა საკმარისი მტკიცებულებები იქნა მოპოვებული კონკრეტული პირების იდენტიფიცირებისთვის, შესაბამისად იქნა მათ მიმართ დევნის დაწყების გადაწყვეტილება”,- განაცხადა გამყრელიძემ.
ლევან ხაბეიშვილის მიმართ განხორციელებული ძალადობის ფაქტზე დაკავებულ ძალოვნებს – სუს-ის სპეციალური ოპერაციების დეპარტამენტის ერთ-ერთი განყოფილების მოქმედ უფროსსა და შსს-ს თანამშრომელს აღკვეთის ღონისძიების სახით პატიმრობა შეეფარდა.
გადაწყვეტილება მოსამართლე ლევან გელოვანმა გამოაცხადა.
საქმეს გრიფი ადევს, შესაბამისად, სხდომა თბილისის საქალაქო სასამართლოში დახურულ რეჟიმში ჩატარდა. ბრალდებულებს ადვოკატები არ ჰყავთ.