აშშ-ის დაზვერვა ვარაუდობს, რომ ირანის უზენაესი ლიდერი, მოჯთაბა ხამენეი მაღალი რანგის სხვა ჩინოვნიკებთან ერთად ისლამური რესპუბლიკის სამხედრო სტრატეგიის შემუშავებაში მონაწილეობას იღებს. ინფორმაციას CNN-ი საკუთარ წყაროებზე დაყრდნობით ავრცელებს.
როგორც წყაროები ამერიკულ ტელეარხს უყვებიან, აშშ-ს არ შეუძლია ვიზუალურად დაადგინოს ხამენეის ადგილსამყოფელი მას შემდეგ, რაც დაბომბვის შედეგად მისი მამა, აიათოლა ალი ხამენეი გარდაიცვალა, ხოლო თავად მოჯთაბამ მრავლობითი დაზიანებები მიიღო.
ინციდენტის შემდეგ მოჯთაბა ხამენეი არავის უნახავს. ის იზოლაციაში რჩება და მკურნალობს დამწვრობებს, რომელიც სახის, კიდურებისა და სხეულის სხვადასხვა არეში მიიღო.
CNN-ის ცნობით, ხამენეი კავშირგაბმულობის ელექტრონულ საშუალებებს არ იყენებს. ის ურთიერთობს მხოლოდ მათთან, ვინც მასთან მოდის, ხოლო შეტყობინებებს კურიერის მეშვეობით აგზავნის.