აშშ-ის პრეზიდენტმა დონალდ ტრამპმა განაცხადა, რომ ირანთან ცეცხლის შეწყვეტის შეთანხმება ძალაში რჩება და რომ თუ ცეცხლის შეწყვეტა დასრულდება ეს აშკარა იქნება.
„თუ ცეცხლის შეწყვეტა არ იქნება, ამის ცოდნა არ მოგიწევთ. უბრალოდ უნდა შეხედოთ ირანიდან მომავალ ერთ დიდ ნათებას“, – აღნიშნა ტრამპმა.
მისი თქმით, ირანთან მოლაპარაკებები მიმდინარეობს.
„ჩვენ ირანელებთან მოლაპარაკებებს ვაწარმოებთ“, – აღნიშნა აშშ-ის პრეზიდენტმა.
ამასთან, კითხვაზე, როდის შეიძლება რაიმე შეთანხმების მიღწევა მოხდეს, ტრამპმა უპასუხა: „შეიძლება ეს არ მოხდეს, მაგრამ ეს შეიძლება ნებისმიერ დღეს მოხდეს. მჯერა, რომ მათ ჩემზე მეტად სურთ შეთანხმება“.
კითხვაზე, უპასუხა თუ არა ირანმა ერთგვერდიან წინადადებას, ტრამპმა უპასუხა, რომ აშშ-ის წინადადება, რომელიც ირანთან კონფლიქტის დასრულებას ისახავს მიზნად, უფრო ვრცელია, ვიდრე „ერთგვერდიანი შეთავაზება“.
„კარგი, ეს ერთგვერდიან შეთავაზებაზე მეტია. ეს არის შეთავაზება, რომელიც ძირითადად ამბობს, რომ მათ არ ექნებათ ბირთვული იარაღი, მოგვაწვდიან ბირთვულ მტვერს და ბევრ სხვა რამეს, რაც ჩვენ გვინდა“, – განუცხადა ტრამპმა ჟურნალისტებს.
კითხვაზე, დათანხმდა თუ არა ირანი შეთავაზებას, ტრამპმა უპასუხა: „ისინი დათანხმდნენ. როდესაც ისინი თანხმდებიან, ეს დიდად არაფერს ნიშნავს, რადგან მეორე დღეს ავიწყდებათ, რომ დათანხმდნენ“.