“გახარია საქართველოსთვის” ლიდერი, სომხეთში, ევროპის პოლიტიკური გაერთიანების სამიტს სოციალურ ქსელ X-ზე ეხმაურება და წერს, რომ საქართველოს მთავრობის ანტიევროპული პოლიტიკის გამო, სამიტში მონაწილე არცერთ ლიდერს საქართველო თავის გამოსვლაში არ უხსენებია.
მისივე შეფასებით, ირაკლი კობახიძეს, რომელიც სამიტს ესწრებოდა, ქვეყნის ინტერესების დასაცავად არც ერთი სიტყვა არ უთქვამს.
ოდესღაც რეგიონული ლიდერი საქართველო, მთავრობის მიზანმიმართული და მავნე პოლიტიკის შედეგად, ფაქტობრივად ჩანაცვლდა სომხეთით – წერს გიორგი გახარია.
“ევროპის პოლიტიკური თანამეგობრობის სამიტი ერევანში კრიტიკულად მნიშვნელოვანია არა მხოლოდ სომხეთისთვის, არამედ მთლიანად სამხრეთ კავკასიის რეგიონისთვის, მათ შორის საქართველოსთვის. იმ ფონზე, როდესაც საქართველოს მთავრობამ მიზანმიმართულად და სისტემურად შლის ევროკავშირში ინტეგრაციის გზას, ევროკავშირის რეგიონში გავლენის გაძლიერება სასიცოცხლოდ მნიშვნელოვანია როგორც რეგიონული უსაფრთხოებისთვის, ისე ევროპის კონტინენტზე მშვიდობის შენარჩუნებისთვის.
პრემიერ-მინისტრმა ნიკოლ ფაშინიანმა და პრეზიდენტმა ილჰამ ალიევმა, რომლებმაც მნიშვნელოვანი როლი ითამაშეს სამიტის სამხრეთ კავკასიაში ჩატარებაში, ისაუბრეს რეგიონისა და ევროკავშირის შორის თანამშრომლობის მომავალზე. საქართველოს მთავრობის ანტიევროპული პოლიტიკის გამო, სამიტში მონაწილე არცერთ ლიდერს არ უხსენებია საქართველო თავის გამოსვლაში. ამასთანავე, საქართველოს პრემიერ-მინისტრმა, რომელიც სამიტს ესწრებოდა, ქვეყნის ინტერესების დასაცავად არც ერთი სიტყვა არ უთქვამს. ოდესღაც რეგიონული ლიდერი საქართველო, მთავრობის მიზანმიმართული და მავნე პოლიტიკის შედეგად, ფაქტობრივად ჩანაცვლდა სომხეთით. ამავდროულად, პრემიერ-მინისტრ ფაშინიანის ლიდერობა ნათელი მაგალითია იმისა, თუ როგორ შეიძლება პრაგმატულმა და ეროვნულ ინტერესებზე დაფუძნებულმა პოლიტიკამ ქვეყანა დააახლოვოს დასავლეთთან და შეამციროს რუსეთის ფესვგადგმული გავლენა.
ევროკავშირთან და ჩვენს მეზობლებთან ერთად, უნდა გავაკეთოთ ყველაფერი, რათა შევინარჩუნოთ ევროპა საქართველოში და უზრუნველვყოთ საქართველოს დამსახურებული ადგილი ევროპაში”, – წერს გიორგი გახარია.