დღეს, როგორც არასდროს, ძალიან კარგად ჩანს, ივანიშვილის პოლიტიკის გამო, რამდენს კარგავს საქართველო – ასე ეხმაურება “საერთაშორისო გამჭვრივალობა- საქართველოს” აღმასრულებელი დირექტორი, ეკა გიგაური ერევანში ევროპული პოლიტიკური გაერთიანების სამიტს.
გიგაურის თქმით, “საქართველო იყო დასავლეთ ქვეყნების მთავარი პარტნიორი, თუმცა, ეს მდგომარეობა ქვეყანამ დაკარგა, რადგან ივანიშვილმა გადაწყვიტა საქართველო რუსეთის მიმართულებით წაეყვანა.“
“დავინახეთ, რომ ევროკავშირთან დაახლოება არ ნიშნავს უსაფრთხოების პრობლემების შექმნას, მათ შორის რუსეთთან. “ქართული ოცნება“ წლების განმავლობაში აჯერებდა საქართველოს მოსახლეობას, რომ ევროკავშირი ცდილობს საქართველო ჩართოს ომში. დღეს, როგორც არასდროს, ძალიან კარგად ჩანს, ივანიშვილის პოლიტიკის გამო, რამდენს კარგავს საქართველო. დღეს, მაშინ, როცა საქართველოშიც შეიძლება ჩატარდეს ასეთი ღონისძიებები და ტარდებოდა კიდევაც. მაშინ, როდესაც საქართველოს შეუძლია წამყვანი როლი ითამაშოს ევროკავშირთან ურთიერთობების მიმართულებით. ჩვენ ვიყავით იმ პოზიციებში, როდესაც მთავარი პარტნიორი ვიყავით დასავლეთის ქვეყნებისთვის რეგიონში, დღეს ეს მდგომარეობა დავკარგეთ, რადგან ივანიშვილმა გადაწყვიტა საქართველო წაეყვანა რუსეთის მიმართულებით, – განაცხადა გიგაურმა.
სომხეთში ევროპული პოლიტიკური გაერთიანების (EPC) მე-8 სამიტი იმართება. სომხეთში იმყოფებიან ევროპელი ლიდერები. ერევანშია ირაკლი კობახიძეც.