რომან გოცირიძე სოციალურ ქსელში პოსტს აქვეყნებს და ფასებთან დაკავშირებით “ტვ იმედის” მიერ გავრცელებულ ინფორმაციას ეხმაურება:
“სხვადასხვა ქვეყანაში ფასების( ვალუტის რეალური მსყიდველობითუნარიანობის) შესადარებლად იყენებენ ჰამბურგერის ე. წ. ბიგმაკის ინდექსს. გერმანიაში ერთი ადამიანის საშუალო ხელფასით შეიძლება იყიდო 500 ბიგმაკი, საქართველოში 100.
საქართველოში საშუალო პენსიით იყიდი 25 ბიგმაკს, გერმანიაში 250-ს. გერმანული ფასების შედარება ქართულ ფასებთან, ისე, რომ არაფერი თქვა გერმანულ და ქართულ ხელფასებზე, არის ისეთი უზნეობა, რომელსაც მხოლოდ “ოცნების” მთავრობა და რუსული “ნადეჟდა” თუ იკადრებს” – წერს გოცირიძე.
“ტვ იმედის” ინფორმაციით, საქართველოში კვერცხი, ხახვი, ბრინჯი, ზეთი, ავოკადო და ვაშლი საფრანგეთსა და გერმანიაზე იაფია. ტელეკომპანიამ სპეციალური ქარდები გამოაქვეყნა, სადაც აღნიშნულ ქვეყნებში საწვავისა და პროდუქტების ფასებს ადარებს. აღსანიშნავია, რომ მათ ამ ქვეყნებში მოქმედი ვალუტა ლარში დააკონვერტირეს.