მიხეილ სარჯველაძე აცხადებს, რომ პაციენტების საზღვარგარეთ მკურნალობასთან დაკავშირებული აგრესიული მარკეტინგი ქმნის გადაჭარბებულ მოლოდინებს და მისი მიზანია, მაქსიმალურად შემცირდეს მოქალაქეებს შორის აღქმა იმისა, რომ საზღვარგარეთ მკურნალობა აღემატება იმას, რაც ხელმისაწვდომია საქართველოში.
“თავის ადგილას არის საკმაოდ აგრესიული მარკეტინგი. დღეს საკმაოდ დიდი ინდუსტრიაა აწყობილი პაციენტების უცხოეთში სამკურნალოდ გაგზავნასთან დაკავშირებით, რასაც სამწუხაროდ ახასიათებს გარკვეული დოზით რეკლამაც, რა თქმა უნდა, თავისი გადაჭარბებული მოლოდინების შექმნითაც და საქართველოში არსებული კონკურენტების ე.წ. გაშავების ტაქტიკითაც. ყველაფერი ეს ბადებს რეპუტაციულ პრობლემებსაც, და ამის კულტივირებაზე მაქვს საუბარი, როგორც სახიფათოსა და მანკიერ მოვლენაზე… ჩვენი მიზანია, რომ მაქსიმალურად შემცირდეს მოქალაქეებს შორის აღქმა იმისა, რომ საზღვარგარეთ მკურნალობა აღემატება იმას, რაც ხელმისაწვდომია საქართველოში. ეს არის ჩვენი სტრატეგიული ამოცანა, რომ საქართველოს ჯანდაცვის სექტორის რეპუტაცია იყოს მაღალი და ამას ჰქონდეს ობიექტური დასაყრდენი” – განაცხადა მიხეილ სარჯველაძემ პლენარულ სხდომაზე.