მარნეულის მუნიციპალიტეტში მომხდარი ავარიის ფაქტზე, რომელსაც 10 წლის ბავშვი ემსხვერპლა, 19 წლის მძღოლი დააკავეს – ინფორმაციას Aktual ge ავრცელებს და წერს, რომ ფაქტზე გამოძიება სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
არსებული ინფორმაციით, 19 წლის მძღოლი ბოლნისის მუნიციპალიტეტის სოფელ დაშთეფეს მცხოვრებია. იგი სამხედრო სამსახურიდან რამდენიმედღიანი შვებულებით იყო დაბრუნებული.
ავარია მარნეულის მუნიციპალიტეტში გუშინ, 18:30 საათზე მოხდა. 10 წლის ბავშვს ავტომობილი დაეჯახა – ის მძიმე დაზიანებებით კლინიკაში გადაიყვანეს, თუმცა ექიმებმა მისი სიცოცხლის გადარჩენა ვერ შეძლეს.