სომხეთი და საქართველო 2029 წელს FIFA-ს 20-წლამდელთა მსოფლიო ჩემპიონატს უმასპინძლებენ, – ამის შესახებ FIFA-ს მიერ სოციალურ პლატფორმა X-ზე გამოქვეყნებულ პოსტშია აღნიშნული.
„ეს იქნება FIFA-ს პირველი ტურნირი, რომელიც ორივე ქვეყანაში ჩატარდება“, – აღნიშნულია განცხადებაში.
სომხური მედიის ინფორმაციით, განცხადება იმის შესახებ, რომ FIFA -ს 20-წლამდელთა მსოფლიო ჩემპიონატს 2029 წელს საქართველო და სომხეთი უმასპინძლებენ, FIFA-ს აღმასრულებელი კომიტეტის სხდომაზე გაკეთდა, რომელიც კანადის ქალაქ ვანკუვერში, სამშაბათს, 2026 წლის 28 აპრილს გაიმართა.