ნინო წილოსანი აცხადებს, რომ ბიძინა ივანიშვილის ყველაზე დიდი ქველმოქმედება ქართულ პოლიტიკაში შემოსვლა და ბოროტების დამარცხება იყო.
“მასშტაბური ქველმოქმედების და სახელმწიფოებრივი მნიშვნელობის საქმეებს თუ რამით არ გადაფარავენ და არ გააუფასურებენ, რანაირად გამოუვათ მათი ერთგვარი სექტის ემოციური დაპურება. თუ ბიძინა ივანიშვილის ქველმოქმედება არ უარყვეს, საკუთარი მავნებლობები რითი გაამართლონ. […] ვფიქრობ, რომ მისი ყველაზე დიდი ქველმოქმედება ქართულ პოლიტიკაში შემოსვლა და იმ ბოროტების დამარცხება იყო, რომელიც გვეგონა, რომ 2012 წელს მოვიშორეთ თავიდან, მაგრამ მას მერე არაერთხელ ამოყო თავი. 2022 წელს კი სულ სხვა მასშტაბის საფრთხედ მოგვევლინა. და რომ არა ბიძინა ივანიშვილი რომელმაც საკუთარი თავი და მისთვის ყველაზე ძვირფასი – საკუთარი ოჯახის უსაფრთხოება გვერდით გადადო, ჩვენთვის უკრაინის სცენარი კოშმარული რეალობა იქნებოდა…” – ამბობს წილოსანი პარლამენტის დღევანდელ სხდომაზე.