ოპოზიციური ალიანსების დღის წესრიგი არის გასაგები, დღის წესრიგი არის დესტრუქციული, რადიკალური, – ასე შეაფასა მაკა ბოჭორიშვილმა დიდი ბრიტანეთის ელჩთან ოპოზიციური ალიანსის შეხვედრა.
ბოჭორიშვილის განცხადებით, ქართული ოპოზიცია პარტნიორს ყოველთვის ქვეყნის გარეთ ეძებს იმის მიხედვით თუ ვისთან მოხდება თანხვედრა საქართველოს ხელისუფლებისა და ქვეყნის ინტერესების დაზიანებისთვის.
„პარტნიორებს ისინი ეძებენ ქვეყნის გარეთ, ოპოზიციას არასდროს უძებნია პარტნიორი ქვეყნის შიგნით და ქართველ ხალხში. ეძებენ თუ სად მოხდება მათი ინტერესების თანხვედრა, რომ დააზიანონ საქართველოს ხელისუფლება, საქართველოს ინტერესი. ეს ყველაფერი ამის გამოხატულებაა“, – განაცხადა მაკა ბოჭორიშვილმა.
ცნობისთვის, „ოპოზიციური ალიანსის“ ლიდერებმა ბრიტანეთის ელჩთან გარეტ უორდთან შეხვედრა 24 აპრილს გამართეს.