მიტროპოლიტი ნიკოლოზ ფაჩუაშვილი აცხადებს, რომ სინოდის სხდომაზე მოსაყდრე შიო ერთ-ერთი კანდიდატი იქნება, თუმცა რამდენ ხმას მიიღებს უცნობია.
“კანდიდატი კი იქნება მოსაყდრე, მაგრამ რამდენ ხმას მოაგროვებს ამ წუთას არავინ არ იცის. სხვებიც იქნებიან კანდიდატები. რა თქმა უნდა, მაქვს ჩემი გამოკვეთილი [აზრი]…” – ამბობს ახალქალაქის კუმურდოსა და კარის მიტროპოლიტი ნიკოლოზ ფაჩუაშვილი.
მან კიდევ ერთხელ ისაუბრა რუსეთის დაზვერვის მიერ გავრცელებულ განცხადებაზე:
“დარწმუნებული იყავით, რომ თანამედროვე სიტყვა რომ ვიხმარო “ფეიკია”. წარმოუდგენელია რუსეთის დაზვერვამ ესეთი განცხადება გააკეთოს” – ამბობს ფორმულასთან საუბარში მიტროპოლიტი ნიკოლოზ ფაჩუაშვილი.
ხვალ, 28 აპრილს, 12:00 საათზე, საქართველოს საპატრიარქოში სინოდის სხდომა გაიმართება, სადაც გამორჩეული იქნება სამი საპატრიარქო კანდიდატი.
31 მარტს, რუსეთის საგარეო დაზვერვის სამსახურმა საქართველოს კათოლიკოს-პატრიარქის არჩევასთან დაკავშირებით განცხადება გაავრცელა, სადაც წერდა, რომ “მსოფლიო პატრიარქ ბართლომეოსს სურს, საქართველოს მართლმადიდებელი ეკლესია საკუთარ გავლენას დაუმორჩილოს და პატრიარქობის კანდიდატებად მიტროპოლიტებს, აბრაამ გარმელიასა და გრიგოლ ბერბიჭაშვილს ლობირებს”.