დიუშენის კუნთოვანი დისტროფიით დაავადებული ბავშვების მშობლებმა მტავრობის კანცელარიასთან მეექვსე რამე გაათენეს. ადგილზე იმყოფებიან როგორც რეგიონებიდან ჩამოსული დედები, ასებე ფეხმძიმე ქალებიც. ამის მიუხედავად, ამ დროის განმავლობაში მათთან კონტაქტზე არავინ გასულა.
ცოტა ხნის წინ მთავრობის ადმინისტრაციის წინ მდებარე სკვერში ხმაური იყო. პოლიცია მშობლებს ადგილზე პლედების შეტანის შესაძლებლობას არ აძლევდა. საბოლოოდ, მშობლებმა პლედების შეტანა სათითაოდ შეძლეს.
მშობლების მოთხოვნა უცვლელია – ისინი შვილებისთვის ითხოვენ მედიკამენტს, რომელიც, მათი თქმით, მათ შვილებს სიცოცხლეს გაუხანგრძლივებს.
“კიბესთან გამაჩერეს და იკითხეს, რა მაქვს ჩანთაში. ვუთხარი, რომ აქციაზე მივდივარ, მიმაქვს პლედები. ჩანთა გამიხსნეს, შეამოწმეს, რომ იქ ნამდვილად პლედები იდო და გვითხრეს, რომ ამ პლედებს ჩვენ ვერ ავიტანდით.
უმნიშვნელოვანესია თითოეული დღე ჩვენი ბავშვებისთვის. კონტაქტზე აქამდე ჯერჯერობით არავინ გამოსსულა. მოსმენით, რა თქმა უნდა, მთელმა ქვეყანამ გაიგო ჩვენი ამბავი და იციან რაც ხდება, მაგრამ ჯერჯერობით არანაირი რეაგირება არ ყოფილა”, – ამბობს პროტექსტის მონაწილე ქალი.
მთავრობის ადმინისტრაციასტან მშობლები დღეს უკვე მე-7 ღამეს გაათევენ, ხვალ კი მათ მასშტაბური აქცია აქვთ დაანონსებული. მშობლები ხალხს თანადგომისა და მხარდაჭერისკენ მოუწოდებენ.
გარდა ამისა, ხვალვე მშობლები გეგმავენ, პროკურატურაში შსს-ს წინააღმდეგ სარჩელი შეიტანონ, რათა სკვერში, სადაც აქცია მიმდინარეობს, პუფების და კარვების შეტანის უფლება მისცენ.