ირაკლი კობახიძის განცხადებით, ანაკლიის პორტთან დაკავშირებით სიახლეები უახლოეს მომავალში იქნება, რომელსაც საზოგადოებას გაუზიარებენ. როგორც კობახიძემ აღნიშნა, „დაველოდოთ მოვლენების განვითარებას“.
„უახლოეს მომავალში გექნებათ სიახლეები ანაკლიასთან დაკავშირებით. ზოგადად გავიმეორებ, რაც შეეხება ანაკლიას, უახლოეს მომავალში გვექნება სიახლეები, რომელსაც გავუზიარებთ სრულიად საზოგადოებას“, – აცხადებს ირაკლი კობახიძე.
ამასთან, მან ისაუბრა ეკონომიკის მინისტრის, მარიამ ქვირივიშვილის ჩინეთში ვიზიტზე. მისი თქმით, ყველა თემაზე იქნება საუბარი, მათ შორის, ანაკლიის თემაზეც.
„ახლა, როდესაც ეკონომიკის მინისტრს აქვს ვიზიტი ჩინეთში, ეს დამატებით შეუწყობს ხელს ვაჭრობის განვითარებას საქართველოსა და ჩინეთს შორის. რაც შეეხება კონკრეტიკას, ეს კონკრეტიკა დაზუსტდება მას შემდეგ, რაც დასრულდება მოლაპარაკებები. ყველა თემაზე იქნება საუბარი, მათ შორის, ანაკლიის თემაზეც, ესეც არის ბუნებრივია, ამ ვიზიტის ერთ-ერთი მიზანი, მოლაპარაკებები გრძელდება,“- აღნიშნა კობახიძემ.