“ტვ პირველის” ინფორმაციით, აჭარის მთავრობის მეთაურს დღეს დაასახელებენ – კანდიდატს მიხეილ ყაველაშვილი წარადგენს.
როგორც “ტვ პირველს” ეუბნებიან, კანდიდატზე გადაწყვეტილება გუშინ მიიღეს.
სულხან თამაზაშვილის ძალოვან უწყებაში დაბრუნების შემდეგ, ირაკლი კობახიძეს არ დაუკონკრეტებია, ვინ დაიკავებს რეგიონული ხელისუფლების ხელმძღვანელის თანამდებობას.
„ტვ პირველის“ ინფორმაციით, ერთ-ერთ შესაძლო კანდიდატად განიხილება ზურაბ პატარაძე, რომელიც ამჟამად აზერბაიჯანში საქართველოს ელჩის პოსტს იკავებს. პატარაძე აჭარის მთავრობას უკვე ხელმძღვანელობდა 2016 წელს.
არსებული ინფორმაციით, იგი ბოლო პერიოდში ბიძინა ივანიშვილთან ერთად გამოჩნდა აზერბაიჯანის პრეზიდენტ ილჰამ ალიევთან შეხვედრის დროს.
არსებული ინფორმაციით, პატარაძესთან ერთად ამ პოსტზე კიდევ რამდენიმე კანდიდატურა განიხილება. საუბარია “ხალხის ძალის” დეპუტატზე, ზაალ მიქელაძეზე. ის წლების განმავლობაში აჭარის ჯანდაცვის მინისტრი იყო.