“მეუფეებმა პატრიარქის ანდერძს რომ გადახედონ, იქნება ძალიან კარგი” – გურამ მაჭარაშვილი

გურამ მაჭარაშვილი მეუფეებს მოუწოდებს “გადახედონ პატრიარქის ანდერძს და კითხვები აღარ ექნებათ“.

“ხალხის ძალის“ ლიდერის თქმით, პატრიარქს 2017 წლიდან ჰქონდა საკუთარი პოზიცია და ეს არ შეუცვლია. მაჭარაშვილი ამბობს, რომ პატრიარქის არჩევა სინდოს გადასაწყვეტია და თუ ვინმე ჩაერია, ან იყო მცდელობა, ამის ფაქტები უნდა გააჟღერონ.

“მრევლის პოზიცია ყველამ კარგად იცის, ეს გამოჩნდა 17-21 მარტს, მე მგონი, მეუფეებმა პატრიარქის ანდერძს რომ გადახედონ, იქნება ძალიან კარგი. თუ ჩვენ, თუ კი არა, ვაღიარებთ, რომ პატრიარქი იყო გამორჩეული პიროვნება, ყველა თვალსაზრისით და მას 2017 წლიდან ჰქონდა თავისი პოზიცია, თავის ანდერძთან დაკავშირებით, მოსაყდრესთან დაკავშირებით, ეს წლები მას ეს პოზიცია არ შეუცვლია, გამომდინარე აქედან, საბოლოო ჯამში, საერთო კრების და სინოდის გადასაწყვეტია, რა თქმა უნდა, პატრიარქის არჩევა, თუმცა, ამ შემთხვევაში…კიდევ ერთხელ ვიმეორებ, რომ ეს მათი გადასაწყვეტია, ჩვენ ამაზე არაფერი გვითქვამს, მაგრამ რადგან თქვით, რომ ერთი-ორი მეუფე გამოვიდა და თქვა, კონკრეტული ფაქტებიც უნდა გვითხრან, ვინ ჩაერია და იყო თუ არა საერთოდ ჩარევის მცდელობა” – ამბობს მაჭარაშვილი.