“ჩვენ არც შემოგვიღია [ტერმინები – ნაცი, აკაცუკი]” – შალვა პაპუაშვილი

შალვა პაპუაშვილი ცოტნე ივანიშვილის განცხადებასთან დაკავშირებით კომენტარს აკეთებს და აცხადებს, რომ ტერმინები “ნაცი”, “აკაცუკი” მათ არ შემოუღიათ.

“ჩვენ არც შემოგვიღია [ტერმინები – ნაცი, აკაცუკი] როდესაც თავს გესხმიან ვერბალურად, ნურავინ ნუ იფიქრებს, რომ ჩვენ ესე დავდგებით და უბრალოდ მოვუსმენთ. რა თქმა უნდა, ყველა მიიღებს პასუხს. ამიტომ, პირველწყარო არის აქ პრობლემა. ის ვინც დაამკვიდრა ზიზღის ენა, მისი ადგილი დემოკრატიულ პოლიტიკურ სივრცეში არ უნდა იყოს. ნებისმიერი დებატი, სადაც თქვენ დაუშვებთ ნიკა გვარამიას, ქართული ზიზღის ენის შემქმნელს და გამავრცელებელს, გასაგებია იქ რაც მოხდება… ” – ამბობს პაპუაშვილი კითხვაზე, იზიარებს თუ არა ივანიშვილის შვილის, ცოტნე ივანიშვილის განცხადებას.

“ძალიან სამწუხაროდ მიმაჩნია, რომ დისკუსია ან დებატი, რომელიც შეიძლება დაწყებულიც არ იყოს, დასრულდეს “ქოცი”, “რუსი”, “აკაცუკი”, “ნაცის” ძახილით, ერთმანეთის არგუმენტის მოსმენის, ლოგიკური ჯაჭვის ჩამოყალიბების ნაცვლად” – თქვა ცოტნე ივანიშვილმა 18 აპრილს, ოცნების ახალგაზრდული ორგანიზაციის კონფერენციაზე.