ჰორმუზის სრუტეში გემები გაცურავენ, მაგრამ ირანული პირობებით. ირკვევა, რომ იმისთვის, რათა საზღვაო ტრასაზე დაბრკოლებები არ შეიქმნას, ირანის გუშაგთა კორპუსის თანხმობა იქნება საჭირო.
“როიტერის” მიერ გავრცელებული ინფორმაციით, ამავე შეთანხმების ნაწილია ირანის გაყინული ფონდების გათავისუფლება. ირანის საგარეო საქმეთა მინისტრი წერს, რომ სრუტის გახსნის გადაწყვეტილება ლიბანში ცეცხლის შეწყვეტის შესახებ შეთანხმების მიღწევის შემდეგ მიიღეს.
დონალდ ტრამპმა სოციალურ ქსელში კი დაწერა, რომ ირანი “აღარასდროს ჩაკეტავს” ჰორმუზის სრუტეს. მანვე დაამატა, რომ ირანთან პოტენციური შეთანხმების ფარგლებში აშშ ირანიდან ბირთვულ მასალასაც გამოიტანს.
“ირანი დათანხმდა, რომ ჰორმუზის სრუტეს აღარასდროს ჩაკეტავენ. მას აღარასდროს გამოიყენებენ იარაღად მსოფლიოს წინააღმდეგ.” – დაწერა ტრამპმა მას შემდეგ, რაც ირანმა ჰორმუზის სრუტე ყველა კომერციული გემისთვის “სრულად გახსნილად” გამოაცხადა.