რამზან კადიროვმა მორიგი ორდენი მიიღო. ამჯერად ის „რუსეთში ცემენტის ინდუსტრიის განვითარებაში შეტანილი განსაკუთრებული წვლილისთვის“ I ხარისხის ორდენით დაჯილდოვდა.
ჩეჩნეთის ლიდერს ჯილდო ცემენტის მწარმოებელთა კავშირის აღმასრულებელმა დირექტორმა, დარია მარტინკინამ გადასცა.
“სიამოვნებით მივიღე დარია მარტინკინასგან პირველი კლასის ორდენი „რუსეთის ფედერაციის ცემენტის ინდუსტრიის განვითარებაში შეტანილი განსაკუთრებული წვლილისთვის“. მადლობელი ვარ მისი, ჩვენი მუშაობის ასეთი მაღალი აღიარებისთვის. ჩვენი მხრიდან ყველაფერს გავაკეთებთ დაგეგმილი პროექტების წარმატებით განხორციელებისა და ინდუსტრიის შემდგომი განვითარების უზრუნველსაყოფად.” განაცხადა რამზან კადიროვმა.