მარიამ ლაშხი უნგრეთის საპარლამენტო არჩევნების შედეგებს გამოეხმაურა და განაცხადა, რომ მადლობას უხდის ვიქტორ ორბანს ყველა იმ საქმისთვის, რაც საქართველოს ხელისუფლებისთვის კი არა, ქართველი ხალხისთვის გაუკეთებია.
“არ ვიცი, უნგრელებს ჰკითხეთ [გაიმარჯვა თუ არა უნგრეთში “დიფ სთეითმა”]… მე მინდა, მადლობა მოვახსენო ბატონ ორბანს ყველა იმ საქმისთვის, რაც საქართველოს ხელისუფლებისთვის კი არა, ქართველი ხალხისთვისაა გაკეთებული და ასევე, იმ განცხადებებით, რომელიც გააკეთა ახლადარჩეულმა, იმედიანად გვტოვებს, რომ იგივე გაგრძელდება” – ამბობს მარიამ ლაშხი უნგრეთის საპარლამენტო არჩევნების შედეგებზე საუბრისას.
გუშინ პიტერ მადიარმა თქვა: “რა თქმა უნდა, ჩვენ გავაგრძელებთ კარგ ურთიერთობას საქართველოსთან. ხაზი მინდა გავუსვა – ის, რომ ვიქტორ ორბანს კარგი ურთიერთობა ჰქონდა რომელიმე სახელმწიფოსთან ეს არ ნიშნავს, რომ ჩვენ ამას გავაფუჭებთ. […] ძალიან მოხარული ვიქნები, რომ გეწვიოთ თბილისში და ვიმუშაო ქართულ მხარესთან. თუმცა, ჩვენ არ ჩავერევით სხვა სახელმწიფოების შიდა საქმეებში. არ ვაპირებ, რომ გავლენა მოვახდინო თქვენი ქვეყნის არჩევნებზე”.