პარტია „ტისას“ ლიდერმა, პიტერ მაგიარმა უნგრეთის საპარლამენტო არჩევნებში საკუთარი ხმა დააფიქსირა.
ხმის მიცემის შემდეგ გამართულ პრესკონფერენციაზე მაგიარმა განაცხადა, რომ ეს გადამწყვეტი არჩევნებია და მოქალაქეებს მოუწოდა, ხმის მიცემის უფლება გამოეყენებინათ.
მისი თქმით, მონაცემები რეკორდულ აქტივობაზე მიუთითებს და ყოველი ხმა მნიშვნელოვანია.
ამასთან, პიტერი მაგიარის განცხადებით, შეიქმნა ვებგვერდი, სადაც შესაძლო საარჩევნო დარღვევების შესახებ შეტყობინებებს იღებენ. პარტია „ტისას“ ლიდერის განმარტებით, ამ დრომდე დაახლოებით 60 შეტყობინებაა შესული.
პიტერ მაგიარმა გააფრთხილა მოქალაქეები, რომ შესაძლოა, პროვოკაციები განხორციელდეს. მან მოუწოდა უნგრეთის სამართალდამცავ ორგანოებს, შეასრულონ მოვალეობა კანონის შესაბამისად.
პარტია „ტისას“ ლიდერმა აღნიშნა, რომ მნიშვნელოვნად მიაჩნია უნგრეთის პოზიციის განმტკიცება ევროკავშირსა და ნატო-ში.