“ქართულმა ოცნებამ” ღირსებით მოსვლა მემორიალთანაც ვერ მოახერხა – ამის შესახებ ანა დოლიძემ “ტვ პირველთან” განაცხადა.
“ხალხის პარტიის“ ლიდერი, რომელიც აქციებზე დაკავებულების მშობლებთან და მოქალაქეებთან ერთად რუსთაველის გამზირზე იმყოფება, ამბობს, რომ “ქართულმა ოცნებამ” 9 აპრლისაც კი პროვოკაციას და ძალადობას მიმართა.
“დღეს რაც გააკეთა “ქართულმა ოცნებამ”, ეს იყო პროვოკაცია, ძალადობა – ღირსებით მოსვლა აქაც ვერ მოახერხა. ამ ერთ დღეს ვერ მოახერხა თუნდაც შეენიღბა საკუთარი ნამდვილი ბუნება და სიმართლით ნამდვილად აღენიშნა ის წვლილი, რა წვლილიც 9 აპრილის გმირებმა შეიტანეს საქართველოს დამოუკიდებლობაში”, – განაცხადა ანა დოლიძემ.