სამხრეთ კორეული ჯგუფი BTS თეთრ სახლში ჯო ბაიდენს ეწვია. შეერთებული შტატების პრეზიდენტთან შეხვედრამდე მუსიკოსებმა თეთრი სახლის პრეს-სპიკერთან ერთად მედიასთან განცხადებები გააკეთეს.
მათ შეერთებული შტატების აზიელი მოსახლეობის დისკრიმინაციასა და რასობრივი სიძულვილის ნიადაგზე ჩადენილი დანაშაულების ზრდის პრობლემებზე ილაპარაკეს.
”გამარჯობა, ჩვენ BTS ვართ. ჩვენთვის დიდი პატივია მოწვეული ვიყოთ თეთრ სახლში, რათა განვიხილოთ ანტიაზიური სიძულვილის დანაშაულების, აზიის ჩართულობისა და მრავალფეროვნების მნიშვნელოვანი საკითხები,” – განაცხადა ჯგუფის ლიდერმა RM – მა.
RM-მა განცხადება ინგლისურ ენაზე გააკეთა, დანარჩენი ექვსი წევრი კორეულ ენაზე საუბრობდა. ჯგუფმა კითხვები არ მიიღო და ოთახი დატოვა.
შეგახსენებთ, რომ BTS-ი სოციალურ კამპანიას პირველად არ აწყობს. ორი წლის წინ ჯგუფის ფანებმა მოძრაობა „შავ კანიანთა ცხოვრება მნიშვნელოვანიასთვის“ ერთ დღეში მილიონი დოლარი შეაგროვეს
