“სხვა სახელმწიფოებშიც არსებობს, რომ არამარტო სუს-ის უფროსის და მისი მოადგილეების საჯაროობა არის შეზღუდული დეკლარაციებთან დაკავშირებით, არამედ ბევრი სხვა თანამდებობის პირების, მათ შორის, წამყვან სახელმწიფოებში. ასე რომ, უნდა განვვითარდეთ ხო და წინ წავიდეთ. და მივბაძოთ იმ ქვეყნებს, რომლებიც არიან წარმატებულები… ” – ამბობს გურამ მაჭარაშვილი სუს-ის ხელმძღვანელობის ქონებრივი დეკლარაციების დამალვაზე.
გუშინ ცნობილი გახდა, რომ მდინარაძის ქონებრივი დეკლარაცია საჯაროდ აღარ იძებნება – წაშლილია მისი ძველი დეკლარაციებიც 2017 წლიდან, როდესაც ის პარლამენტის წევრი იყო. „კორუფციის წინააღმდეგ ბრძოლის შესახებ” კანონში ნათქვამია, რომ სუს-ის უფროსსა და მის მოადგილეებს დეკლარაციის წარდგენა ევალებათ, თუმცა არც მდინარაძეს და არც მის მოადგილეებს დეკლარაცია ქონებრივი მდგომარეობის შესახებ არ წარუდგენიათ.
“…საკანონმდებლო ორგანო მუშაობს აღნიშნული მიდგომის კანონმდებლობასთან სრულ შესაბამისობაში მოსაყვანად, რადგან მართლაც პარადოქსულია ნორმა, რომელიც უსაფრთხოების სამსახურის ხელმძღვანელ პირებს დეკლარაციის საჯაროობას ავალდებულებს…” – უთხრეს “მთავარს” სუს-ში.