მარნეულში 22 წლის ემილ იუსუბოვმა 20 წლის უმრუთ ბაირამოვი მოკლა. გამოძიების ინფორმაციით, ბრალდებულმა ახალგაზრდას საკუთარ საცხოვრებელ სახლში ყელი გამოჭრა, რის შემდეგაც შემთხვევის ადგილიდან მიიმალა.
თვითმხილველების თქმით, თავდამსხმელმა ბაირამოვი სახლში საუბრის საბაბით შეიყვანა. ხმაურისა და დაძაბული კამათის შემდეგ დაზარალებული სახლიდან გაიქცა და გადახტომას ცდილობდა, თუმცა იუსუბოვი დანით დაედევნა და ადგილობრივების თვალწინ ყელი გამოჭრა.
შემთხვევა დღისით, დაახლოებით 15:00 საათზე, მარნეულის ცენტრალურ ქუჩაზე მოხდა. ადგილობრივები ამბობენ, რომ დაშინების გამო სასწრაფო დახმარება დაგვიანებით გამოიძახეს, რის შედეგადაც დაშავებული ბიჭი ადგილზე გარდაიცვალა.
მოკლულის ახლობლების ინფორმაციით, დაპირისპირება 26 მარტს, ქორწილში დაიწყო, სადაც იუსუბოვმა ბაირამოვს საჯაროდ დაემუქრა. მათი თქმით, ერთი კვირის შემდეგ მუქარა რეალურ ძალადობაში გადაიზარდა.
ვრცლად ნახეთ სოფო ნიაურის რეპორტაჟში.